नयाँ दिल्ली: आलिया भट्ट र रणवीर कपुर चाँडै नै आमाबाबु बन्न लागेका छन्। सोमबार बिहान आलिया भट्टले आफैंले आफ्नो सामाजिक सञ्जाल अकाउन्टमा एक पोस्ट सेयर गरेर आफू गर्भवती भएको खुलासा गरेकी छिन्। यो तस्वीरमा आलिया रणवीरसँग अस्पतालको बेडमा सुतेकी देखिन्छिन्। लभबर्डहरू स्क्रिनमा हेरिरहेका छन्, जहाँ हृदय बनेको छ। तस्वीर सेयर गर्दै अभिनेत्रीले लेखेकी छिन्, ‘हाम्रो नानी… छिट्टै आउँदैछ।’

सोनोग्राफी तस्वीरसँगै अभिनेत्रीले आफ्नो इन्स्टाग्राममा अर्को तस्वीर सेयर गरेकी छिन्, जसमा सिंह र सिंहीनी आफ्ना बच्चाहरूसँग देखिएका छन्। प्रकृतिप्रतिको माया बाँड्दै यी जोडीले चाँडै नै आमाबाबु बन्न लागेको स्पष्ट पारेका छन्। रणवीर कपुरले यसअघि नै संकेत गरिसकेका छन्! यो खबर सुनेर धेरैलाई चकित भए पनि अहिले रणवीरले ‘शमशेरा’ को प्रमोशनका क्रममा यस्तो संकेत गरेको देखिन्छ। प्रमोशनका क्रममा बिहेपछि अझै कति काम गर्ने भनेर सोध्दा उनले भने, ‘अहिले धेरै काम गर्न बाँकी छ। अब परिवार बनाउनु छ, काम गर्नुपर्छ। पहिले म आफ्नै लागि काम गर्थे।” रणवीर र आलियाले यही वर्षको अप्रिल १४ मा आफ्नो परिवार र नजिकका साथीहरूको उपस्थितिमा विवाह गरेका थिए। अब दुई महिनापछि आलियाले आफ्नो गर्भावस्थाको खबर शेयर गरेकी छिन्।