कोलकाताः पश्चिम बंगालको दक्षिण २४ परगना जिल्ला अन्तर्गत सोनारपुर थाना क्षेत्रमा पत्नीको हत्या गरी सेप्टिक ट्याङ्कभित्र गाँड्ने एक व्यक्तिलाई पक्राउ गरिएको छ। उसको पहिचान होम्बल मण्डलको रूपमा गरिएको छ। घटना लगभग तीन वर्ष अघिको हो। मृतकाको नाम टुम्पा मण्डल बताइएको छ।

टुम्पाका पिताले ०९ अप्रेल २०२० मा सोनारपुर थानामा आफ्नी छोरी हराएको प्राथमिकी दर्ता गराएका थिए। यस मामिलामा प्रारम्भिक जाँचको क्रममा पुलिसले उसका पतिलाई हिरासतमा लिएको थियो र सोधपुछ पनि गरेको थियो तर केही पनि पत्तो लाग्न सकेन। पछि १३ जून २०२३ मा कलकत्ता हाईकोर्टले घटनाको जाँच सीआईडीद्वारा गराउने आदेश दिएको थियो।

त्यही अनुसार जब सीआईडीले जाँच शुरू गऱ्यो तब शुक्रवार सीआईडीको सोधपुछमा टुम्पाको पतिले मुख खोल्यो। उसले स्वीकार गऱ्यो कि ०९ अप्रेल २०२० अगावै उसले आफ्नी पत्नीको हत्या गरी घरको सेप्टिक ट्याङ्कमा गाँड्यो। यसपछि उसलाई हिरासतमा लिइएको छ। व्यक्ति कोर्टको आदेशमा जमानतमा थियो। उसको जमानत खारेज गराउनका लागि शनिवार सीआईडी कोर्ट गइऱहेछ।