रियाद: साउदी अरबमा वार्षिक हज यात्राका लागि हालसम्म १५ लाख विदेशी हजयात्री आएका छन्। तीमध्ये अधिकांश हाजी विमानबाट मक्का पुगेका छन्। साउदी अधिकारीहरूका अनुसार २०२० मा कोरोना भाइरसको महामारी शुरु भएयता यो पहिलो वर्ष हो, जब कुनै प्रतिबन्ध बिना हज यात्राको आयोजना भइरहेको छ। सोमबारदेखि शुरु हुने हजयात्रामा थप विदेशी तीर्थयात्री आउने सम्भावना रहेको बताइएको छ।

हज इस्लामको पाँच स्तम्भहरू मध्ये एक हो र शारीरिक र आर्थिक रूपमा सक्षम मुस्लिमहरूलाई उनीहरूको जीवनमा कम्तिमा एक पटक हज यात्रा गर्न भनिन्छ। यो संसारको सबैभन्दा ठूलो धार्मिक घटनाहरू मध्ये एक हो। साउदी अरेबियाको मिडिया मन्त्रालयले बिहीबार जानकारी दिएको छ, बुधबारसम्म १४ लाख ९० हजारभन्दा बढी विदेशी तीर्थयात्री हजका लागि मक्का आएका छन् जसमध्ये १४ लाख ३३ हजार हवाई मार्गबाट ​​आइपुगेका छन्। साउदी अधिकारीहरूले भने, ‘हामी आशा गर्छौं, सन् २०२३ मा हज तीर्थयात्रीको संख्या प्रि-कोरोना स्तरमा पुग्नसक्छ। सन् २०१९ मा २४ लाख हाजीले हज गरेका थिए।