कोलकाता: पश्चिम बंगालका राज्यपाल डा. सी भी आनन्द बोसद्वारा राज्य सरकारलाई राज्य निर्वाचन आयुक्त (एसईसी) राजीव सिन्हाको पदभार ग्रहण गर्ने सम्बन्धी रिपोर्ट फिर्ता गर्ने समाचारबीच बिहीबार मुख्यमन्त्री ममता ब्यानर्जीले उनलाई हटाउने सम्भावानालाई अस्वीकार गरिन्। उनले यस्तो शान्तिपूर्ण चुनाव प्रक्रिया राज्यले कहिल्यै नदेखेको बताइन्। ममता ब्यानर्जीले जोड दिँदै भनिन्, ‘एसईसी हटाउनु एक झन्झटिलो प्रक्रिया हो, र महाभियोग मार्फत गरिनु पर्छl’ पटना जानुअघि बिहीबार कोलकाता विमानस्थलमा मुख्यमन्त्रीले भनिन्, ‘एसईसीलाई यसरी हटाउन सकिँदैन। राज्यपालको स्वीकृतिपछि उनी नियुक्त भएका हुन्। उनीहरूलाई एकै पटक हटाउन सकिँदैन। पदबाट हटाउने प्रक्रिया जटील छ, जस्तै महाभियोग मार्फत न्यायाधीशहरूलाई हटाउनेl’ उहाँको टिप्पणी राज्यपालले बुधबार राज्य सरकारलाई सिन्हाको जोइनिङ रिपोर्ट फिर्ता गरेको एक दिन पछि आयो। उनले भनिन्, ‘बंगालमा चुनाव प्रक्रिया त्यति शान्तिपूर्ण कहिल्यै भएको छैन। हाम्रो पार्टीका कार्यकर्ता मारिएका छन्। तीन-चार बुथमा केही घटनाहरू भएका छन्l’ मुख्यमन्त्रीले भनिन्, ‘राज्यपालले राज्य चुनाव आयुक्तको प्रवेश पत्र फिर्ता गर्ने बारे राज्य सरकारलाई कुनै जानकारी छैनl’ राज्य पुलिसको प्रशंसा गर्दै मुख्यमन्त्रीले भनिन्, ‘बंगालको पुलिस कुनै पनि राज्यको पुलिस भन्दा बढी दक्ष छl’