२ घण्टाको प्रयासपछि चालक र सहचालकको उद्धार

जलपाइगढी: बुधवार राति करिब ११ बजे जलपाइगढी जिल्लाको धुपगढी शहरको मिलपाड़ा क्षेत्रमा एउटा लरी कंक्रीटको पर्खाल तोडेर एउटा दाेकानमा प्रवेश गर्‍यो। यो घटनाले चौतर्फी त्रास फैलाएको छ। लरी गुवाहाटीबाट सिलगढीतर्फ गइरहेको थियो। त्यत्तिकैमा धूपगढी मिलपाडा क्षेत्रमा पुग्दा लरी एसियन हाइवेको छेउबाट सिधै एउटा दाेकानमा पसेको थियो। पसल भत्किँदा घरको आधा भाग ध्वस्त भएको छ।
कंक्रीटको पर्खाल भत्किएपछि चालक र सहचालक लरी भित्र फसेका थिए। धुपगढी दमकल र ट्राफिक गार्ड पुलिसको टोलीले करिब २ घण्टाको प्रयासपछि उनीहरूको उद्धार गरेको थियो। दुर्घटनाको समयमा पसल मालिक र टोटो चालक पसलभित्र थिए र उनीहरूलाई उद्धार गरी धुपगढी ग्रामीण अस्पताल लगिएको थियो भने ड्युटीमा रहेका डाक्टरहरूले उनीहरूलाई जलपाइगढी मेडिकल कलेज र अस्पतालमा सारेका थिए। घटनामा चारजना गम्भीर घाइते भएका छन्। पुलिसले सम्पूर्ण घटनाको अनुसन्धान गरिरहेको छ।