कोलकाता: सर्वोच्च अदालतले पश्चिम बंगालमा पंचायत चुनाव गराउन प्रत्येक जिल्लामा केन्द्रीय बल तैनात गर्न आग्रह सम्बन्धित कलकत्ता उच्च अदालतको आदेशविरूद्ध दर्ता गरिएको याचिकामाथि २० जूनमा सुनवाई गर्नेछ। जस्टिस सूर्यकान्तको अध्यक्षतामा रहेको बेन्चले यस्तो आदेश सुनाएको छ। आज पश्चिम बंगाल राज्य चुनाव आयोगकी वकिल मीनाक्षी अरोडाले सर्वोच्च अदालतमा भनिन्, ‘राज्य निर्वाचन आयोगले संवेदनशील क्षेत्रहरूको पहिचान गर्न सक्छ तर केन्द्रीय बलहरू तैनात गर्न आग्रह गर्न सक्दैनl’ उनले कलकत्ता उच्च अदालतको आदेशमाथि रोक लगाउन माग गरिन्। पश्चिम बंगाल सरकारले पनि कलकत्ता उच्च अदालतको आदेशलाई सर्वोच्च अदालतमा चुनौती दिएको छ। २० जूनमा सर्वोच्च अदालतले राज्य चुनाव आयोग र पश्चिम बंगाल सरकारको याचिकाहरूमाथि एकसाथ सुनवाई गर्नेछ। -हिस