कुचबिहारः कालजनी नदीको बाँध भत्किएपछि पानी खोलाको पानी झावकुटी क्षेत्रमा प्रवेश गरेको छ। बाढीले चारझारकुटीको ठूलो क्षेत्र डुबानमा परेको छ। केही दिनदेखि परेको अविरल वर्षाका कारण कालजनी नदीको पानीको बहाव ह्वात्तै बढेको छ। अविरल वर्षाका कारण झावकुटी क्षेत्रमा कालजनी नदीमा बनेको बाँध फुटेको छ। विगत ५–६ वर्षदेखि कालजनी नदीको कटानका कारण गाउँले सास्ती खेप्नुपरेको स्थानीयले बताए। यस क्षेत्रका करिब ९५ प्रतिशत जनता किसान छन्। उनीहरूले खेतीपाती गरेर आफ्नो गुजारा चलाउँछन्। यस्तो अवस्थामा कालजनी नदीको भयावह प्रभावका कारण धेरैले आफ्नो जग्गा गुमाएर अन्यत्र पलायन हुन बाध्य भएका छन्। कालजनी नदीले यसअघि नै कैयौँ बिघा जग्गा बगाइसकेको छ। निर्वाचनमा राजनीतिज्ञ र मन्त्री आश्वासन लिएर आउँछन् तर चुनाव सकिएपछि नदेखेको स्थानीयको गुनासो छ। झावकुटीका असहाय मानिसहरूले स्थानीय पञ्चायत, प्रधान, ब्लक प्रशासन, जिल्ला प्रशासन र तृणमूलका अखिल भारतीय महासचिव अभिषेक ब्यानर्जीलाई समेत गुनासो गरे तर बाँध नबनेको बताए। खोला विस्तारै जनघनत्व क्षेत्रमा आउँदैछ । केही दिनदेखि परेको अविरल वर्षाका कारण माटोको बाँध भत्किएको थियो। त्यो भत्किएको भागबाट गाउँमा पानी पसेको छ। धेरै बाली डुबानमा परेका छन्।