गान्तोक: एशियान डेभलोपमेन्ट व्याङ्कका टोलीले आज राज्यका मुख्यमन्त्री प्रेम सिंह तामाङसँग उनको सरकारी निवास मिन्तोगाङमा भेट गरे। यस टोलीको नेतृत्व शहकारी विभागका वरिष्ठ् विशेषज्ञ अकिरा मस्तुङगा र वरिष्ठ प्रोजेक्ट अफिसर भवेष कुमारले गरेका थिए। मुख्यमन्त्री तामाङसँगको भेटको क्रममा टोलीले रम्फू. सिङताम र पाकिमको भ्रमणपछिको अनुभव मुख्यमन्त्री समक्ष साँझा गरे। टोलीले जलवायु परिवर्तन, एकीकृत र दिगो हुने स्मार्ट सिटी योजनाको पूर्वाधारबारे पनि मुख्यमन्त्रीलाई जानकारी गराए। भेटको क्रममा मुख्यमन्त्रीले चाँडोभन्दा चाँडो योजनाहरूको शुरू गर्नुपर्न टोलीलाई सुझाव दिँदै राज्य सरकारको तर्फबाट पूर्णरूपमा सहयोग रहने आश्वासन दिए।