जलपाइगढी: बिहीबार बिहान अचानक आएको आँधी र वर्षाले मैयनागढी ब्लकमा ठूलो क्षति पुर्‍यायो। एक महिलाको ज्यान जोगियो। हाल उनको उत्तर बङ्गाल मेडिकल कलेज एण्ड अस्पतालमा उपचार भइरहेको बताइएको छ। मैयनागढी ब्लकको चेकडेरा बुथको सप्ती बारी १ ग्राम पञ्चायतका विभिन्न क्षेत्रमा हावाहुरी आएको बताइएको छ। जसका कारण यस क्षेत्रका ५० भन्दा बढी परिवार प्रभावित भएका छन्।

हावाहुरीका कारण कयौं रुखहरू ढलेका छन्, कतिपय घरका टिनहरू उडेका छन्, कतिपय विद्युत्का पोल फुटेका छन् भने कतिपय कुखुरा फार्ममा क्षति पुगेको छ। राधारानी विश्वासको सुत्ने कोठामा रुख ढलेर एक महिला गम्भिर घाईते भएका छन्। उनलाई उद्धार गरी पहिले मैयनागढी ग्रामीण अस्पताल लगिएको थियो। त्यहाँबाट जलपाइगढी र त्यसपछि उत्तर बंगाल मेडिकल कलेज र अस्पतालमा उपचार भइरहेको छ।