जलपाइगढी: देश भरबाट २५० प्रजातिका आँपहरू लिएर जलपाइगढीमा पहिलो म्यान्गो फेस्टिभल आयोजना गरियो। नगरको शिल्प समितिपाडा क्षेत्रमा रहेको एक निजी शैक्षिक संस्थाका विद्यार्थीले साझा महोत्सव आयोजना गरेका हुन्। स्टुडेन्ट्स क्विज क्लबले आयोजना गरेको यस आँप महोत्सव प्रदर्शनीमा करिब २५० प्रजातिका आँप राखिएको छ। जसमा विशेष कोहिनूर प्रजातिको आँप पर्छन्। त्यहाँ थाइल्याण्डको प्रसिद्ध आम पनि छ। साथै प्रदर्शनीमा देसी तोतापुरी, सूर्यपुरी, कमलाभोग, कञ्चनकाश, क्षीरसापति, राजभोगलगायत दुर्लभ प्रजातिका आँप राखिएका छन्। साथै, आँपको भर्ता, आँपको दही, म्याङ्गो स्क्वास, आमपाना, म्याङ्गो जाम, आँपको अचार लगायतका विभिन्न आम उत्पादनहरू प्रदर्शनी गरिएको छ। प्रदर्शनीमा वातावरण अभियन्ता सूर्यकमल बाणिक, काउन्सिलर दिलीपकुमार बर्मा, शिक्षक सुजयकुमार बर्मनलगायत विशिष्ट व्यक्तिहरूको सहभागिता रहेको थियो। शैक्षिक संस्थाका प्रिन्सिपल भास्कर चक्रवर्तीले आँपले हाम्रो अर्थतन्त्रमा पार्ने असरबारे विशेष छलफल भएको बताउँदै उनले जलपाईगढीमा पहिलो पटक यस म्यान्गो फेस्टिभल र प्रदर्शनीको आयोजनामा राम्रो प्रतिक्रिया पाइरहेको बताए। विद्यार्थी र नगरवासीमा निकै उत्साह छ। अर्को वर्ष हामी जलपाइगढी सहरमा ३ दिने मङ्गो फेस्टिभल आयोजना गर्नेछौं। २५० भन्दा बढी प्रजातिका आँपहरू प्रदर्शन गरिने छ। हामी त्यहाँबाट कमाएको पैसाले खाँचोमा परेका विद्यार्थीहरूलाई सहयोग गर्नेछौं।