कोलकाताः पश्चिम बंगालमा पञ्चायत चुनाउको घोषणा भएदेखि राज्यका विभिन्न हिस्साहरूमा हिंसा, हंगामा र तोड़फोड़का घटनाहरू लगातार भइरहेछ। सोमवार अबेर राति दक्षिण २४ परगनाको भांगड़ क्षेत्रमा सत्तारूढ़ पार्टी तृणमूल कांग्रेसको एक नेताको घऱमा हमला र तोड़फोड़ गरिएको आरोप छ। बम पनि फ्याँकिएको दाबी गरिएको छ। यसको आरोप इण्डियन सेकुलर फ्रन्ट (आईएसएफ) कार्यकर्ताहरूमाथि लागेको छ। चलताबेरिया गाउँमा कुतुबुद्दीन अली शेख नाम गरेको एक तृणमूल नेताको घऱमा अबेर राति हमला भएको छ।

आज उनले दाबी गरे, आईएसएफ कार्यकर्ताहरूले बमले हमला गरेका छन्। घटनास्थलबाट बमका हिस्सा पनि उद्धार भएको छ। पुलिसले यसलाई उद्धार गरी जाँच शुरू गरेको छ। भांगड़ २ नम्बर ब्लकको बीडीओ अफिसमा सोमवार तृणमूल कांग्रेसका विवादित नेता अराबुल इस्लामले बोलाउँदा कुतुबुद्दीन नामांकन भर्न गएका थिए। त्यसपछि अबेर राति घरमा आराम गरिरहेको समय ढुंगामुड़ा र बमबारी शुरू भयो। त्यही समय काशीपुर थानालाई सूचना दिइयो जसपछि पुलिस टीम घटनास्थलमा पुग्यो तर कसैलाई पक्राउ गर्न सकिएन।

मङ्गलवार आईएसएफका विधायक नौशाद सिद्दीकीले भने, तृणमूल कार्यकर्ताहरू र नेताहरूमाथि कसैले हमला गर्नसक्दैन। तृणमूल कार्यकर्ताहरूले आपसी गुटबाजीमै एक-अर्कालाई मारिरहेका छन्, यही सत्य हो।

-हिस