कुचबिहार: भाजपाको जिल्ला समिति सदस्य र युवा मोर्चाको दिनहाटा विधानसभा संयोजक अनिमेश बर्मन भाजपा छोडेर तृणमूलमा सामेल भएका छन्। पञ्चायत निर्वाचनको मिति घोषणा हुनासाथ विभिन्न दलका कार्यकर्ता पन्छिने क्रम पनि तीव्र हुन थालेको छ। भाजपाको जिल्ला समिति सदस्य र युवा मोर्चाको दिनहटा विधानसभा संयोजक अनिमेश बर्मन आइतबार कुचबिहार जिल्लाको दिनहाटामा मन्त्री उदयन गुहाको नेतृत्वमा भएको दलबदल कार्यक्रममा भाजपा छोडेर तृणमूलमा सामेल भए। मन्त्री उदयन गुहाले आइतबार उत्तर बंगाल विकास मन्त्रीको गृह कार्यालयमा अनिमेशलाई पार्टीको झण्डा हस्तान्तरण गरेका हुन्। दिनहटा गाउँ २ ग्राम पञ्चायतका प्रमुख केशव नाहा, दिनहटा नगर पालिका उपाध्यक्ष सविर साह चौधरी, बाराशकदल ग्राम पञ्चायतका प्रमुख तपस दास लगायतको उपस्थिति रहेको थियो ।