दार्जिलिङका सांसदको घरमा सर्वदलीय बैठक

सिलगढी: पहाड पञ्चायत चुनावलाई लिएर दार्जिलिङका सांसद राजु बिष्टको सिलगढीको माटिगारामा रहेको घरमा सर्वदलीय बैठक भएको छ। बैठकमा विभिन्न राजनीतिक दलका प्रतिनिधिहरुको सहभागिता रहेको थियो। २२ वर्षपछि पहाडमा पञ्चायतको निर्वाचन हुन लागेको हो। त्यसैले यसपटक पहाडीका सबै राजनीतिक दलले पञ्चायतको चुनाव लड्ने तयारी गरेका छन्। तर, पञ्चायत चुनावअघि शनिबार सिलगढीको माटिगारा इलाकामा रहेको दार्जिलिङका सांसद राजु बिष्टको घरमा सर्वदलीय बैठक बसेको थियो। बैठकमा पहाडी जिल्लाका विभिन्न राजनीतिक दलका प्रतिनिधिहरुको सहभागिता रहेको थियो। बैठकमा भाजपासँग गठबन्धन भएका सबै दलका प्रतिनिधि सहभागी हुने देखिन्छ। बैठकमा दार्जिलिङका विधायक तथा जीएनएलएफ पार्टीका महासचिव नीरज तामाङ जिम्बा, गोर्खाल्याण्ड राज्य निर्माण मोर्चाका अध्यक्ष दावा पाखरिन र बीजेपीका जिल्ला नेताहरू उपस्थित रहेको बताइएको छ।