गान्तोकः सञ्चमान लिम्बू सरकारी महाविद्यालय गेजिङको सहयोगमा नेहरु युवा केन्द्र, गेजिङको आयोजनमा जिल्ला स्तरीय मेगा युथ उत्सव कार्यक्रम सम्पन्न भयो। शुक्रवार सम्पन्न महाविद्यालयका विविध विभागका युवा प्रतिभाहरूले आ-आफ्नो कला प्रदर्शन गरे। यस अवसरमा जोरथाङ नगरपञ्चायतका सभापति पवित्र मानव मुख्य अतिथिको रूपमा उपस्थित रहेका थिए। उनले यस उत्सवमा सहभागी सबै युवाहरूलाई प्रोत्साहन दिए। युवा उत्सवमा सांस्कृतिक क्रियाकलापहरूसँगै १४ वटा विभागमाझ नृत्य प्रतियोगिता, भाषण प्रतियोगिता, फोटोग्राफी, मूल कविता पाठ अनि चित्रकारिता प्रतियोगिता आयोजन गरिएको थियो। यी विविध वर्गमा आयोजित प्रतियोगिताहरूले युवाहरूलाई उनीहरूको कौशल प्रदर्शन गर्ने मञ्च प्रदान गरेको थियो।

कार्यक्रमले शैक्षिक समुदायबाट ठूलो सहयोग र सहभागिता पाएको थियो। महोत्सवमा सञ्चमान लिम्बू सरकारी डिग्री कलेजका प्रिन्सिपल डा. किशोरकुमार राई र उप-प्राचार्य विकास शर्माको उपस्थिति रहेको थियो। विद्यार्थी मामिलाका डीन थुप्देन पालजाङ भोटिया, कलेजका सम्पूर्ण शिक्षक संकायले आफ्नो उपस्थितिका साथ कार्यक्रममा सहभागी भई आफ्ना विद्यार्थीहरूको प्रतिभा र सीपलाई पोषण गर्ने महत्त्वलाई प्रकाश पारेका थिए। कार्यक्रममा नेहरू युवा केन्द्रका प्रतिनिधिहरूको पनि उपस्थिति रहेको थियो।

-हिस