नयाँ दिल्लीः भारत मौसम विज्ञान विभाग (आईएमडी)-ले शनिवार चेताउनी जारी गर्दै चक्रवाती तूफान बिपरजोय आगामी २४ घण्टामा अझ तीव्र हुने आशंका व्यक्त गरेको छ। आईएमडीले शनिवार भन्यो, अत्यन्त गम्भीर चक्रवाती तूफान बिपरजोय आगामी २४ घण्टामा झन् तीव्र हुनका साथै यो उत्तर-उत्तरपूर्व तर्फ बढ़्नेछ।

आईएमडी अनुसार चक्रवाती तूफान बिपरजोय शनिवार बिहान ११:३० बजेसम्म अरब सागरमा १६.८ डिग्री उत्तरी अक्षांश औ ६७.४ डिग्री पूर्वी देशान्तर नजिक गोवादेखि लगभग ७०० किमी पश्चिम उत्तर-पश्चिम, मुम्बईको ६२० किमी पश्चिम दक्षिण-पश्चिम, पोरबन्दरको ५९० किमी तथा कराचीदेखि ९०० किमी दक्षिणमा केन्द्रित थियो।

तूफानको प्रभाव वलसाडको तीथल तटमा देखिन थालेको छ। यहाँ समुद्रमा उठेको उच्च-उच्च छालहरूलाई ध्यानमा राखेर आगामी १४ जूनसम्म यस तीथल तटमा कसैलाई पनि नजाने सल्लाह दिइएको छ तथा मछुवाराहरूलाई आगामी पाँच दिनसम्म त्यहाँ नजाने सल्लाह दिइएको छ। स्थानीय प्रशासनले समुद्री तटहरूमा अवस्थित गाउँहरूलाई खाली गराउने तयारी गरेको छ। गाउँका मानिसहरूको लागि वैकल्पिक व्यवस्था गरिएको छ।

-हिस