जलपाईगुडी: उडिसा रेल दुर्घटनामा मृत्यु भएका म्यानागुरीका तरुण रायको शव जलपाईगुडी जिल्ला प्रशासनको पहलमा जलपाईगुडी मेडिकल कलेज र अस्पताल पुगेपछि मंगलबार बिहान विशेष एम्बुलेन्समा जलपाईगुडी ल्याइएको थियो। त्यहाँबाट मृतकका भाइ अमित राईले शवलाई म्यानागुरीस्थित आफ्नै घरमा लगेका थिए। मृतकको शव आइपुग्दा म्यानागुडीको यस क्षेत्रमा हजारौं मानिस जम्मा भएका थिए। पूरै क्षेत्रमा शोक छायो। मृतक युवकको शव म्यानागुरीस्थित माधवडांगाको घरमा पुगेपछि परिवारका सदस्य र छिमेकीहरु आँसु झारेका थिए। यस अवसरमा म्यानागुरीका बीडीओ, म्यानागुरी थानाका आईसी, नगरपालिकाका उपाध्यक्ष मनोज राई र अन्य प्रशासनिक अधिकारीहरू उपस्थित थिए। अन्त्यमा शव दाहसंस्कारका लागि शवदाह स्थलमा लगियो।