भोपाल: खगोल विज्ञानमा रूचि राख्नेहरूका लागि आज (आइतबार) को साँझ धेरै नै विशेष बताइँदैछ। यस अवधिमा वट पूर्णिमा जून जहाँ पूर्व दिशामा स्ट्रबेरी मूनको साथ चम्किनेछ, त्यस बेला पश्चिम दिशामा शुक्र (भेनस) आफ्नो चमक बढ़ाउँदै सूर्यको साथ सबैभन्दा अधिक कोणीय दूरीमा रहनेछ। अर्थात् स्ट्रबेरी मून आकाशमा चम्किन्दै भेनसको साथ प्रतिस्पर्धा गर्दै गरेको देखिनेछ।

नेशनल अवार्ड प्राप्त विज्ञान प्रसारक सारिका घारूले यी खगोलीय पिण्डहरूको जानकारी गराउँदै भनिन्, पश्चिमी देशहरूमा पूर्णिमाको यस जूनलाई स्ट्रबेरी पाक्नु शुरू भएको समयलाई ध्यानमा राख्दै स्ट्रबेरी मून नाम दिइएको हो। केही देशहरूमा यसलाई हट मून, रोज मून, मीड मून पनि भनिन्छ। पूर्णिमाको जूनलाई महिना बदलिनु र मौसमको जानकारीको समय बताउनका लागि आकाशीय घड़ीको रूपमा उपयोग हुँदै आइरहेछ। आज साझँ पश्चिमी आकाशमा देखिने चम्किलो वीनस यस वर्षको निम्ति सूर्यदेखि सबैभन्दा अधिक कोणीय दूरीमा पुग्नेछ। यस समय यो माइनस ४.३ को मेग्निट्यूडले चम्किनेछ। यस खगोलीय घटनालाई भेनस एट ग्रेटेस्ट इलोङ्गेशन भनिन्छ, जसमा यसको डिस्कको आधार भाग सूर्यको प्रकाशले चम्किलो देखिनेछ। भेनस केही दिनअघि मात्र क्षितिजभन्दा यसको सबैभन्दा अधिक अल्टीट्यूड ४२ डिग्रीमा पुगेको छ। यसपछि पनि भेनसले आफ्नो चमक बढ़ाइरहनेछ र ९  जुलाईमा यसको चमक चरममा पुग्नेछ। उनले थप भनिन्, ‘आउँदो वर्ष स्ट्रबेरी मून २२ जून २०२४ मा हुनेछ भने भेनस एट ग्रेटेस्ट इलोङ्गेशनको यो घटना १० जनवरी २०२५ मा देखिनेछ। -हिस