४ जूनः विश्वकी नम्बर एक महिला टेनिस खेलाड़ी तथा गत च्याम्पियन पोल्याण्डकी इगा स्वियातेकले ८०औं ऱ्यांकिंग भएकी चीनकी खेलाड़ी वांग जियूलाई केवल ५१ मिनटमा ६-०, ६-०-ले पराजित गरी फ्रेञ्च ओपन टेनिस टुर्नामेण्टको प्री-क्वार्टर फाइनलमा स्थान बनाइन्। यसरी गत उपविजेता अमेरिकाकी कोको गफले पहिलो सेट गुमाएपछि असाधारण पुनरागमन गर्दै रुसकी मीरा आन्द्रिवालाई ६-७, ६-१, ६-१-ले पराजित गरिन्। पुरुष एकल वर्गमा डेनमार्कका छैटौं वरीयता प्राप्त डेन होल्गर रुनेले अर्जेण्टिनाका क्वालीफायर जेनेरो अर्बर्टोलाई ६-४, ६-१, ६-३-ले पराजित गरी चौथो राउण्डमा स्थान बनाए। गत वर्ष यहाँ क्वार्टर फाइनलमा पुग्ने २० वर्षीय रुनेले चौथो म्याच पोइण्टमा जीत हासिल गरे। यसबाहेक नर्वेका कास्पर रुडले तेस्रो राउण्डमा चीनका झांग झिझेनलाई ४-६, ६-४, ६-१, ६-४-ले पराजित गरे।
स्वियातेकले रोलां ग्यारोमा लगातार दशौं म्याच जितिन्। शीर्ष वरीयता प्राप्त यस खेलाड़ीलाई आफ्नो नम्बर एक कुर्सी कायम राख्न कम्तीमा क्वार्टर फाइनलसम्म पुग्ने आवश्यकता छ। चौथो राउण्डमा स्वियातेकले बियांका एण्ड्रूस्कू र लेसिया सुरेंकोबीच खेलिने म्याचको विजेतासँग खेल्नु पर्नेछ। स्वियातेकले पहिलोपल्ट कुनै ग्राण्ड स्ल्याममा एउटा पनि गेम नगुमाइ म्याच जितिन्। रोलां ग्यारोमा महिला एकल वर्गमा कुनै खेलाड़ीले एउटा गेम पनि नगुमाइ म्याच जितेको यो चौथो अवसर हो। यसअघि अन्तिमपल्ट २०१७-मा क्यारोलिना वोज्नियाकीले एकतर्फी जीत हासिल गरेकी थिइन्। यसबीच गत विम्बल्डन च्याम्पियन एलेना रायबाकिना तेस्रो राउण्डको म्याच अघि अस्वस्थ्यताले गर्दा सालको दोस्रो ग्राण्ड स्ल्यामबाट हटिन्। उनलाई ज्वरो र सास फेर्नमा असुविधा भइरहेको छ। उनी टुर्नामेण्टबाट हट्दा २६ वर्षीय सोरिबेस टोरमोले चौथो राउण्डमा स्थान बनाइन्।