वासिङ्टन: युएओ (अन आइडेन्टिफाइड फ्लाइङ अब्जेक्ट्स)को अनुसन्धान गर्ने नासा प्यानलले झण्डै ८०० रहस्यमय घटनाहरू रेकर्ड गरेको अनुसन्धानकर्ताहरूले बताएका छन्। अमेरिकी अन्तरिक्ष एजेन्सीले गत वर्ष युएपी (आइडेन्टिफाइड एनोमलस फेनोमेना) मा आफ्नो कामको व्याख्या गर्न एउटा प्यानल स्थापना गर्‍यो। घटनाहरू जुन वैज्ञानिक रूपमा विमान वा ज्ञात प्राकृतिक घटनाको रूपमा पहिचान गर्न सकिँदैन युएपी मानिन्छ। यो प्यानलले यसै वर्ष प्रतिवेदन जारी गर्नेछ। यसको पहिलो सभा बुधबार भएको थियो।

नासाले आकाशमा अज्ञात वस्तुहरू (युएफओहरू) अध्ययन गर्न थालेको एक वर्ष पछि, बुधबार पहिलो पटक सार्वजनिक बैठक आयोजना गरेको छ। अन्तरिक्ष एजेन्सीले विज्ञहरूको स्वतन्त्र समितिलाई समावेश गरी घण्टा लामो बैठकलाई टेलिभिजनमा प्रसारण गर्‍यो। टोलीमा सेवानिवृत्त अन्तरिक्ष यात्री स्कट केलीसहित नासाद्वारा चयन गरिएका १६ सदस्य र अन्य विशेषज्ञहरू थिए। केली लगभग एक वर्ष अन्तरिक्षमा बिताउने पहिलो अमेरिकी हुन्।

नासाका ‘अनुसन्धानका लागि सहायक सहायक सहायक प्रशासक’ डा. ड्यानियल इभान्सले भने, ‘मुख्य रूपमा प्रमाणमा आधारित दृष्टिकोणले तथ्यलाई कथाबाट अलग गर्छ।’ आकाशमा रहस्यमय ढंगले देखिएका यी वस्तुहरू (फ्लाइङ ससर) बारे विस्तृत जानकारी प्राप्त गर्ने यो पहिलो प्रयास हो। साइमन फाउन्डेसन सञ्चालक तथा समितिका अध्यक्ष रहेका खगोलविद् डेभिड स्पर्गेलका अनुसार उक्त समूहले यस विषयमा के-कस्ता गोप्य सूचना उपलब्ध छ र आकाशमा के भइरहेको छ भनी बुझ्नको लागि थप के गर्नु आवश्यक छ भनी हेरिरहेको छ।

नासाको अल-डोमेन एनोमाली रिजोलुसन अफिस (एएआरओ) का निर्देशक सीन किर्कप्याट्रिकले भने, ‘हामीले हरेक महिना ५० देखि १०० नयाँ रिपोर्टहरू पाउँछौं। सन् २०२१ मा पेन्टागनको छुट्टै प्रतिवेदनले सन् २००४ देखि सैन्य पाइलटहरूले देखेका १४४ घटनाहरूमध्ये एउटा बाहेक सबै अपरिचित रहेको बताएको छ। अधिकारीहरूले यी वस्तुहरू अन्य ग्रहहरूसँग सम्बन्धित हुन सक्ने सम्भावनालाई अस्वीकार गरेका छैनन्। वासिङ्टनस्थित नासाको मुख्यालयमा भएको उक्त बैठकमा डिजिटल माध्यमबाट मानिसहरुले सहभागिता जनाएका थिए।