कोलकाता: मुख्यमन्त्री ममता ब्यानर्जी बिहीबार भारतीय कुश्ती महासंघ (डब्ल्युएफआई)   का निवर्तमान अध्यक्ष बृजभूषण सिंहलाई पक्राउ गर्न माग गर्दै विरोध प्रदर्शन गरिरहेका कुश्ती खेलाडीहरूको समर्थनमा अघि आएकी छन्। उनीहरूले न्याय नपाएसम्म लड्ने बताइन्। लगातार दोस्रो दिन कोलकाताको सडकमा भएको विरोध प्रदर्शनमा सामेल भएकी मुख्यमन्त्रीले कुश्ती खेलाडीहरूको सङ्घर्षलाई ‘जीवन, न्याय र स्वतन्त्रताको सङ्घर्ष’ भनिन्। महिला पहलवानहरूको यौन दुर्व्यवहारको आरोपमा निवर्तमान डब्ल्युएफआई अध्यक्ष बृज भूषणलाई पक्राउ गर्न माग गर्दै कुश्ती खेलाडीहरूको समर्थनमा आयोजित विरोध जुलुसमा सहभागी बनेकी मुख्यमन्त्री ममता ब्यानर्जीले भनिन्, ‘म कुश्ती खेलाडीहरूलाई उनीहरूको आन्दोलन जारी राख्न अनुरोध गर्नेछुl यो लडाई जीवन, स्वतन्त्रता र मानव न्यायको लागि होl’ उनले भारतीय फुटबल टोलीका प्रथम कप्तान गोस्थ पालको शालिगबाट शुरु भएको मोमबत्ती मार्चको नेतृत्व पनि कोलकाता मैदानमा गरेकी थिइन्l मेयो–डफरिन रोड चोकमा रहेको महात्मा गान्धीको शालिगमा समापन गरिएको थियो।