कोलकाताः राज्यको बहुचर्चित शिक्षक नियुक्ति भ्रष्टाचार मामिलामा पक्रा परेका पूर्व शिक्षा मन्त्री पार्थ चटर्जीका नजिकका महिला मित्र अर्पिता मुखर्जीलाई लामो समयपछि व्यक्तिगत रूपमा कोर्टमा ल्याइयो। यसअघि उसलाई भर्चुअल माध्यमले पेश गरिन्दैथियो। भ्रष्टाचार मामिलामा एक्ट्रेस-मोडल अर्पितालाई पक्रा परेको लगभग १० महिना भइसकेको छ। सोमवार बिहान उसलाई कोर्टमा पेश गरियो। यसअघि उसलाई गत साल अगस्तमा कोर्ट पेश गरिएको थियो। तबदेखि उसलाई सुरक्षा कारणहरूले भर्चुअली कोर्टमा पेश गरियो।

अर्पितालाई उसको फ्ल्याटमा उद्धार गरिएको रूपियाँ कसको हो भनी आज एक पल्ट फेरि सोधियो तब उसले कुनैपनि प्रश्नको जवाफ दिइनन्। यद्यपि, यसअघि उसले धेरै पल्ट भनिन् कि फ्ल्याटबाट उद्धार गरिएको रूपियाँ उसको होइन। यसअघि १४ मार्चमा उसलाई ब्याङ्कशाल कोर्टमा भर्चुअल माध्यमले पेश गरिएको थियो। प्रवर्तन निदेशालय (ईडी) ले भर्ती भ्रष्टाचारको जाँच गर्दै अर्पिताको दुई फ्ल्याटबाट लगभग ४९ करोड़ रूपियाँ उद्धार गरेको थियो। त्यसपछि उसलाई पक्राउ गरिएको थियो।

-हिस