नयाँ दिल्ली: केन्द्रीय गृहमन्त्री अमित शाहले कांग्रेसद्वारा ‘सेन्गोल’को माध्यमबाट सत्ता हस्तान्तरण’को इतिहासलाई अस्वीकार गरिनुलाई लज्जास्पद बताउँदै प्रश्न गरेका छन्, ‘कांग्रेसले भारतीय परम्परा र संस्कृतिप्रति यति साह्रो घृणा किन गर्दछ?’ केन्द्रीय मन्त्री अमित शाहले भने, ‘फेरि पनि कांग्रेसले लज्जाजनक अपमान गरेको छ। एक पवित्र शैव मठ, थिरूवदुथुराई अधिनमले स्वयं भारतको स्वतन्त्रता कालमा सेन्गोलको महत्व बारे बताएका थिए। कांग्रेसले अधिनमको इतिहासलाई झुटो बताइरहेको छ। कांग्रेसले आफ्नो व्यवहारमाथि विचार गर्न आवश्यक छl’

उनले भने, ‘भारतको स्वतन्त्रताको प्रतीकको रूपमा तमिलनाडुको एक पवित्र शैव मठले पण्डित जवाहरलाल नेहरूलाई पवित्र सेन्गोल दिएका थिए, तर यसलाई ‘हिँड़्ने लौरो’को रूपमा संग्रहालयमा पठाइएको थियोl’ उल्लेखनीय छ, कांग्रेसले ‘सेन्गोल’को माध्यमबाट सत्ता हस्तान्तरण’को इतिहासलाई अस्वीकार गर्दै यसमाथि प्रश्न उठाएको छ। यसमाथि कटाक्ष गर्दै पार्टीले यसलाई ‘व्हाट्सएप यूनिभर्सिटी’को झुटो दाबी बताएको छ। -हिस