काठमाण्डौँः नेपालको निजगढमा चौंथो अन्तर्राष्ट्रिय विमानस्थल निर्माण हुने भएको छ। प्रचण्ड नेतृत्वको सरकारले नीति तथा कार्यक्रममा उक्त विमानस्थल निर्माण बढाउने उल्लेख गरेको छ। राष्ट्रपति रामचन्द्र पौडेलले संसदमा आर्थिक वर्ष २०२३ २०२४ को नीति तथा कार्यक्रम प्रस्तुत गर्दै बारा जिल्लाको निजगढमा अन्तर्राष्ट्रिय विमानस्थल निर्माण प्रक्रिया बढाउने घोषणा गरेका हुन्।

विहारको सीमावर्ती शहर रक्सौलबाट ५० किलोमिटर दूरीमा रहेको निजगढमा अन्तर्राष्ट्रिय विमानस्थल निर्माणका लागि ३० लाख रुख काट्नुपर्ने तथ्यांक छ। यसकारण वातावरणविदले यसको विरोध गर्दै आएका छन्। नेपालको सर्वोच्च अदालतले पनि निजगढमा विमानस्थल निर्माण नगर्न आदेश जारी गरेको थियो। तर, पछि अर्को आदेश जारी गर्दै कम वातावरण क्षतिमा निर्माण गर्न सकिने भनेको थियो। नेपालमा त्रिभुवन अन्तर्राष्ट्रिय विमानस्थलका अलावा पोखरा र भैरहवामा अन्तर्राष्ट्रिय विमानस्थल छन्। तर, काठमांडूको त्रिभुवन विमानस्थल मात्र संचालनमा छ।

-हिस