सिलगढी: आज अन्तर्राष्ट्रिय संग्रहालय दिवस। विश्वभरका विभिन्न सङ्ग्रहालयहरूले यस अवसरलाई कार्यक्रमका साथ मनाउँदैछन्। कतै प्रदर्शनी र कतै औपचारिक रुपमा । यस अवसरमा उत्तर बंगाल विश्वविद्यालयस्थित अक्षय कुमार मैत्रेयी संग्रहालयमा एक कार्यक्रमको आयोजना गरिएको थियो। अक्षय कुमार मैत्रेयी संग्रहालय फेब्रुअरी १९६२ मा स्थापित भएको थियो। यसको प्रथम सचिव उत्तर बंगालका वरिष्ठ प्राध्यापक प्रणवकुमार भट्टाचार्य थिए। संग्रहालय ऐतिहासिक अनुसन्धानमा रुचि राख्नेहरूका लागि फेब्रुअरी १९६५ मा खोलिएको थियो। तर बुद्धदेव भट्टाचार्यले उद्घाटन गरेको नयाँ भवनमा सारिएपछि सन् २००६ दिसम्बर २८ मा सर्वसाधारणका लागि खुला गरिएको थियो । उत्तर बङ्गाल विश्वविद्यालयको इतिहास विभागका प्राध्यापक डा. दलिया भट्टाचार्यले आज सबैलाई अन्तर्राष्ट्रिय सङ्ग्रहालय दिवसको शुभकामना दिँदै यो सङ्ग्रहालय निकै पुरानो भएको र हरेक दिन धेरै विद्यार्थी तथा विभिन्न भागका व्यक्तिहरू यस सङ्ग्रहालयमा आउने बताइन् । साथै उत्तर बङ्गाल विश्वविद्यालयका उपकुलपति ओमप्रकाश मिश्रले अन्तर्राष्ट्रिय संग्रहालय दिवसको अवसरमा शुभकामना व्यक्त गरेका छन् ।