अलिपुरद्वार: अलिपुरद्वार जिल्लाका विभिन्न क्षेत्रमा हात्तीको त्रास जारी छ। हात्तीको आक्रमणबाट बिहीबार एकजनाको मृत्यु भएको छ। मधु चिया बगानमा हात्तीको आक्रमणबाट केही घर र पसलमा क्षति पुगेको छ । घटनाले स्थानीयवासी त्रसित भएका छन्। अलिपुरद्वार जिल्लाको दलसिहपाडा गोपालबहादुर बस्ती क्षेत्रमा जङ्गली हात्तीको आक्रमणबाट एकजनाको मृत्यु भएको छ। बुधबार राति बक्सा वनबाट एउटा जङ्गली हात्ती गोपालबहादुर बस्तीमा प्रवेश गरेको थियो । हात्तीले स्थानीय बासिन्दाको सुपारी बगान नष्ट गर्न थाले । सोही क्रममा उक्त क्षेत्रका श्यामबहादुर सार्की घरबाट निस्किएका बेला हात्तीले आक्रमण गरे । जसमा श्यामबहादुर गम्भीर घाइते भएका छन्। स्थानीय बासिन्दा र वनकर्मीहरूले उनलाई पहिले लताबारी अस्पतालमा लगे, जहाँबाट उनलाई अलीपुरद्वार जिल्ला अस्पताल लगियो। उनको बिहीबार बिहान निधन भएको हो । यो घटनाले सो क्षेत्रमा शोकको वातावरण छ । गाउँमा हात्तीको आक्रमण लगातार भईरहेको स्थानीयले बताएका छन् । हात्तीको आक्रमणबाट मधु चिया बगानका ३ मजदुरको घरमा क्षति पुगेको छ । स्थानीय स्रोतका अनुसार बक्सा बाघ आयोजनाको जंगलबाट बुधबार राति एउटा हात्ती बगैँचामा प्रवेश गरेको थियो । त्यसपछि उनले मधु चिया बगानको माथिल्लो रेखा क्षेत्रमा रहेका ३ घर भत्काइदिए । हात्तीले घरमा राखिएको रासन सामग्री पनि नष्ट गरेको छ । यो घटनाले बगैँचा मजदुरहरु त्रसित भएका छन् ।