नयाँ दिल्लीः राजधानी दिल्लीमा बढ्दो गर्मीको साथ आगलागीका घटनाहरूको ग्राफ पनि तीव्र गतिमा बढ़िरहेछ। सोमवार अबेर राति सुभाष नगर क्षेत्रमा एउटा घरमा अचानक आगो लाग्यो। यसको सूचना पाउनसाथ दमकल विभागले घटनास्थलमा पुगेर आगो निभाउनु शुरू गऱ्यो। साथै माथिल्लो तलामा फंसेका लगभग आठ जनालाई सीड़ीको माध्यमले तल झारियो। घटना हिजो अबेर राति लगभग ११ बजीको हो।

घरमा आगो तल्लो हिस्सामा लागेको थियो, जहाँ ब्याङ्कको अफिस छ। यसबाट माथि बस्नेहरूमा अफरा-तफरी मचियो। यस अवधिमा घटनास्थलमा पुगेका दमकलकर्मीहरूले घरको माथिल्लो तलामा फंसेका मानिसहरूलाई बाहिर निकाले, जसमा महिला र नानीहरू पनि सामेल थिए। समय रहँदै आगोलाई फैलिनदेखि रोकियो र केही बेरपछि आगोलाई पूर्ण रूपमा निभाइयो। जानकारी अनुसार, स्थानीय मानिसहरूको सतर्कता र दमकलकर्मीहरू समयमै आएको कारण ठूलो दुर्घटना हुनदेखि जोगियो। आगो ब्याङ्कमा लगाइएको बिजुलीको सिस्टमबाट शुरू भएको बताइएको छ, जुन बिस्तारै फैलियो।

-हिस