देहरादून: उत्तराखण्डमा चारधाम य़ात्रामा अहिलेसम्म ८.३१ लाखभन्दा धेरै श्रद्धालुहरूले दर्शन गरे। यसमध्ये दुई लाख ८९ हजार १४९ श्रद्धालु बाबा केदारनाथको दर्शन गर्न पुगे। धेरै संख्यामा श्रद्धालुहरू आउनु पर्य़टन उद्योगको निम्ति राम्रो संकेत बताइँदैछ। श्रद्धआलुहरूको संख्याको यो आंकड़ा पर्यटन विभागले जारी गरेको हो। यो २२ अप्रेलदेखि १४ मई राति ८ बजेसम्मको आंकड़ा हो।

पर्यटन विभागका अनुसार, केदारनाथ, बद्रीनाथ, गंगोत्री र यमुनोत्री धाममा अहिलेसम्म कूल आठ लाख ३१ हजार १३१ तीर्थयात्रीहरूले दर्शन गरेका छन्। केदारनाथ धाममा २ लाख ८९ हजार १४९, बदरीनाथमा २ लाख ९ हजार ४५, गंगोत्रीमा एक लाख ७३ हजार ५८६ र यमुनोत्री धाममा एक लाख ५९ हजार ३५१ श्रद्धालुहरूले दर्शन गरिसकेका छन्। चारधाम यात्राको निम्ति अहिलेसम्म २९ लाख ३३ हजार ७७० जनाले पंजीकरण गराएका छन्। यसमध्ये मोबाइल एपबाट ५ लाख १४ हजार २१९, वेब पोर्टलबाट २३ लाख ३६ हजार ६९२ र व्हाट्स ऐपबाट १ लाख ८२ हजार ८६९ जनाले पंजीकरण गराएका छन्।

चारधाम यात्राको निम्ति १४ मईदेखि १९ मईको निम्ति कूल चार लाख २१ हजार ८३४ जनाले पंजीकरण गराएका छन्। मौसमलाई ध्यानमा राख्दै २५ मईसम्म केदारनाथ धामको यात्राको निम्ति पंजीकरणमा रोक छ। हिमपात र श्रद्धालुहरूको बढ्दो संख्यालाई नियन्त्रित गर्नका लागि यो निर्णय लिइएको हो। २६ मईदेखि पुनः पंजीकरण शुरू हुनेछ। -हिस