१५ मईः इटालियन सेरि ए फूटबलमा युभेण्टसले जीतको क्रम जारी राख्यो। यसबीच अगावै लीग विजेता बन्ने नापोली चाहिँ हारको सम्मुखीन भयो। आइतवार राति खेलिएको म्याचमा युभेण्टसले क्रेमोनिसलाई २-०-ले पराजित गऱ्यो। आफ्नो होम ग्राउण्डमा ७० प्रतिशत पोजेशनको साथ खेल्ने युभेण्टसबाट निकोलो फाजिओलीले ५५औं र ग्लेसन ब्रेमेरले ७९औं मिनटमा गोल गरे। यस जीतपछि युभेण्टसले सेरि ए टेबलमा दोस्रो स्थान हासिल गऱ्यो। अहिले टीमसँग ३५ वटा म्याचमा ६९ पोइण्ट्स रहेको छ।

यसबीच लीग खिताब सुनिश्चित गरिसकेपछि नापोली चाहिँ मोञ्जा विरुद्ध ०-२-ले हारको सम्मुखीन भयो। विजेता टीमबाट म्याचमा डेनी मोटाले १८औं र एण्ड्रेआ पेटाग्नाले ५४औं मिनटमा गोल गरे। नापोलीसँग अहिले ८३ पोइण्ट्स रहेको छ। यसरी मोञ्जा ४९ पोइण्ट्सको साथ गोल अन्तरको आधारमा नवौं स्थानमा पुग्यो। अन्य म्याचहरूमा फिओरेण्टिनाले उडिनिसलाई २-०-ले पराजित गऱ्यो जबकि बोलोग्ना र रोमाबीचको म्याच गोलरहित ड्र (०-०)-मा समाप्त भयो।