सिलगढी: नक्सलबारीको चिया बगानको फागु लाइनमा एक युवतीको फाँसीमा झुण्डिएर मृत्यु भएको छ। राति अबेर घरभित्र घाँटीमा डोरीले झुण्डिएको अवस्थामा शव फेला परेको बताइएको छ। त्यसपछि घटनाको जानकारी नक्सलबारी थानालाई दिइएको थियो। नक्सलबारी प्रहरीले घटनास्थलमा पुगेर शव बरामद गरी नक्सलबारी ग्रामीण अस्पतालमा पठाएको छ। शवलाई शुक्रबार पोस्टमार्टमका लागि उत्तर बङ्गाल मेडिकल कलेज र अस्पतालमा पठाइएको थियो।

मृतक युवतीको नाम प्रिस्का ओराँ (२०) हो। उनी नक्सलबारी चिया बगानको फागु लाइनकी बासिन्दा थिइन्। प्रहरीले घटनाको अनुसन्धान गरिरहेको छ।