अलिपुरद्वार: अलिपुरद्वार जिल्लामा रवीन्द्र जयन्ती पूर्ण भक्तिपूर्वक मनाइयो। अलिपुरद्वार जिल्ला सूचना तथा संस्कृति विभागको तर्फबाट विश्वकवि रवीन्द्रनाथ ठाकुरको १६२औँ जन्मजयन्ती अलिपुरद्वारको रवीन्द्र भवनको रवीन्द्र मञ्चमा मनाइयो। उपस्थित महानुभावहरूले रवीन्द्रनाथ टैगोरको तस्बिरमा माल्यार्पण गरी श्रद्धाञ्जली अर्पण गरेका थिए। मङ्गलबार बिहान १० बजे रवीन्द्रनाथ ठाकुरको १६२औँ जन्मजयन्तीको अवसरमा अलिपुरद्वार जिल्ला सूचना संस्कृति विभागद्वारा कविता वाचन तथा सांस्कृतिक कार्यक्रमको आयोजना गरिएको थियो। अलिपुरद्वार जिल्ला मजिस्ट्रेट सुरेन्द्र कुमार मीना, अलिपुरद्वार जिल्ला सूचना संस्कृति अधिकारी साइप्रियानस बास्के, एसजेडीए अध्यक्ष सौरभ चक्रवर्ती, अलिपुरद्वार विधायक सुमन कान्जीलाल र अन्य उपस्थित थिए।