नयाँ दिल्ली: केन्द्र सरकारले मङ्गलबार अग्निपथ योजना घोषणा गरेपछि धेरै राज्यहरूमा चर्को विरोध भइरहेको छ। विरोध प्रदर्शनको आज पाँचौं दिन हो। गएको विगत चार दिनमा प्रदर्शनकारीहरूले रेलको कोचमा आगजनी गरे र धेरै क्षेत्रमा सार्वजनिक सम्पत्तिहरूलाई क्षति पुर्याए। यसै क्रममा तेलंगानामा पनि एकजनाको मृत्यु भएको छ। यसैबीच तीनै सेनाले पत्रकार सम्मेलन गरेका छन्।
एक करोड रुपियाँ क्षतिपूर्ति
सैनिक मामिला विभागका अतिरिक्त सचिव लेफ्टिनेन्ट जनरल अरुण पुरीले देशको सेवामा आफ्नो जीवन आहुति दिने अग्निवीरलाई १ करोड रुपियाँ क्षतिपूर्ति दिइने बताए।
नियमित सैनिकलाई सुविधा उपलब्ध
‘अग्निवीर’ ले सियाचेन जस्ता क्षेत्रमा र अन्य क्षेत्रमा समान भत्ता र सुविधा पाउने छन्, जुन हाल नियमित सैनिकहरूलाई लागू हुन्छ। सेवाको हकमा उनीहरूलाई कुनै भेदभाव गरिने छैन।
१ जुलाईदेखि थल सेनामा भर्ना शुरु
विरोध प्रदर्शनका बीच सेनाले पत्रकार सम्मेलन गरी तीनै सेनाको भर्ना प्रक्रियाको मिति घोषणा गरेको हो। सेनाले १ जुलाईदेखि भर्ना प्रक्रिया शुरु गर्ने जनाएको छ।
वायुसेनामा पहिलो ब्याचको लागि २४ जूनमा प्रक्रिया सुरु
भारतीय वायुसेनामा अग्निवीरको पहिलो ब्याच भर्ना गर्ने प्रक्रिया २४ जूनदेखि शुरु हुने एयर मार्शल एसके झाले बताए। यो अनलाइन प्रणाली हो। त्यसअन्तर्गत दर्ता शुरु हुनेछ। एक महिनापछि २४ जुलाईदेखि पहिलो चरणको अनलाइन परीक्षा शुरु हुनेछ।
नौसेनाले २५ जूनमा अधिसूचना जारी गर्ने
नौसेनाका भाइस एडमिरल डी.के. त्रिपाठीले भने, ‘हामीले भर्ना प्रक्रिया शुरु गरिसकेका छौं। २५ जूनसम्ममा हाम्रो विज्ञापन सूचना तथा प्रसारण मन्त्रालयमा पुग्नेछ। एक महिनाभित्र भर्ना प्रक्रिया शुरु हुनेछ। हाम्रो पहिलो अग्निवीरले २१ नोभेम्बरमा हाम्रो प्रशिक्षण संस्थानमा रिपोर्ट गर्नेछl’
‘अग्निपथ योजना‘ फिर्ता नहुने
लेफ्टिनेन्ट जनरल अनिल पुरीले यो योजना कुनै पनि हालतमा फिर्ता नहुने बताए। सेनामा भर्ना हुनको लागि पहिलो आवश्यकता अनुशासन हो, त्यसैले युवाले शान्त भएर योजना बुझ्नुपर्छ।
निकट भविष्यमा अग्निवीरको संख्या १.२५ लाख पुग्ने
लेफ्टिनेन्ट जनरल पुरीले निकट भविष्यमा ‘अग्निवीर’को संख्या १ लाख २५ हजार पुग्ने र हालको संख्या ४६ हजारमा नरहने बताए।
एफआईआर छ भने अवसर नपाउने
लेफ्टिनेन्ट जनरल पुरीले अग्निवीर बन्नका लागि आवेदन दिने प्रत्येक उम्मेदवारले आन्दोलन, आगजनी, तोडफोड र हिंसामा सहभागी नभएको प्रमाणपत्र दिनुपर्ने बताए। पुलिस प्रमाणिकरण शतप्रतिशत हुन्छ, त्यो बिना कोही जोडिन सक्दैन। यदि उम्मेदवारविरुद्ध एफआईआर दर्ता भयो भने उनीहरू भारतीय सशस्त्र बलमा भर्ती हुन सक्दैनन्। उनीहरूलाई भर्ना फारमको भागको रूपमा लेख्न भनिनेछ कि उनीहरू आगजनीको हिस्सा होइनन्, उनीहरूको पुलिस प्रमाणीकरण गरिनेछ।
मेडिकल परीक्षा दिनुपर्ने
सेनाले नियमित सेनामा भर्ना हुन दुई वर्षअघि मेडिकल परीक्षामा उत्तीर्ण भएका उम्मेदवारले पुनः स्वास्थ्य परीक्षण गराउनुपर्ने स्पष्ट पारेको छ।
‘अग्निवीर’ लाई उमेरमा छुट
बिहीबार, केन्द्रीय गृह मन्त्रालयले अग्निवीरहरूको लागि उमेर सीमामा छुट दिने घोषणा गर्यो। उमेर हद २१ वर्षबाट बढाएर २३ वर्ष पुगेको छ। मन्त्रालयले ट्विट गर्दै अग्निवीरको पहिलो ब्याचको उमेरमा ५ वर्षको छुट दिने घोषणा गरेको छ।