काबुल: तालिबानले अफगानिस्तानको सत्ता कब्जा गरेपछि त्यहाँक सर्वसाधारणले धेरै आर्थिक साथै राजनीतिक उथलपुथलको सामना गर्नु परिरहेको छ। पहिलाको हमिद करजाई सरकारमा काम गरेका कबिर हकमलको हालैको ट्विटर पोस्टले देशका कति प्रतिभाशाली पेशेवरहरू गरिबीमा धकेलिएका छन् भन्ने देखाउँछ। हकमलले अफगान पत्रकार मुसा मोहम्मदीको फोटो ट्वीटरमा सेयर गरेका छन्। क्याप्सनमा हकमलले भनेका छन्, ‘मोहम्मदी वर्षौंदेखि सञ्चार माध्यममा आवद्ध थिए। तर, अफगानिस्तानको दयनीय आर्थिक अवस्थाबीच आफ्ना आवश्यकता पूरा गर्न अहिले सडकमा खाद्यान्न बेच्दै आएका छन्l ‘मुसा मोहम्मदीले विभिन्न टीभी च्यानलहरूमा एंकर र संवाददाताको रूपमा वर्षौंसम्म काम गरे। अहिले आफ्नो परिवारलाई खुवाउने कुनै आम्दानी छैन। केही पैसा कमाउन स्ट्रीट फूड बेच्छन्। गणतन्त्रको पतनपछि अफगानीले अस्वभाविक गरिबी भोग्नुपरेको छ।’ मोहम्मदीको कथा इन्टरनेटमा अहिले भाइरल भइरहेको छ। यसले राष्ट्रिय रेडियो र टेलिभिजनका महानिर्देशक अहमदउल्लाह वासिककोसमेत ध्यान खिचेको छ। एउटा ट्वीटमा वासिकले पूर्व टीभी एन्कर र संवाददातालाई आफ्नो विभागमा नियुक्त गर्ने बताएका छन्।

उनले अझ भनेका छन्, ‘निजी टेलिभिजन स्टेसनका प्रवक्ता मुसा मोहम्मदीको बेरोजगारी सामाजिक सञ्जालमा बढ्दैछ। वास्तवमा, राष्ट्रिय रेडियो र टेलिभिजनको निर्देशकको रूपमा म उहाँलाई भन्छु कि हामी काम गरौं। राष्ट्रिय रेडियो र टेलिभिजनको ढाँचामा उनलाई नियुक्त गर्नुहोस्। हामीलाई सबै अफगान प्रोफेसनल चाहिन्छ।’ यसैबीच, अगस्तमा तालिबान सत्तामा आएपछि अफगानिस्तानमा मानवीय तथा आर्थिक संकट निम्तिएको छ। उनीहरुले विभिन्न सञ्चार माध्यममा धरपकड गरेका छन्। तालिबानका कारण अधिकांश महिला सञ्चारकर्मीले रोजगारी गुमाएका छन्।