कोलकाता: यस हप्ता बङ्गोपसागरमा चक्रवात बन्नेछ र चक्रवाती आँधीमा परिणत हुनेछ। यद्यपि यो कहाँ प्रहार हुनेछ, यो स्पष्ट छैन। अलिपुर मौसम विभागका क्षेत्रीय निर्देशक सञ्जीव बन्दोपाध्यायले बुधबार पत्रकारहरूलाई सम्बोधन गर्दै भने, ‘आउँदो ६ मई अर्थात शनिबार दक्षिणपूर्वी बङ्गोपसागरमा चक्रवात बन्नेछ। यो भोलिपल्ट अर्थात ७ मईमा न्यून चापमा परिणत हुने सम्भावना छ। यो न्यून चाप ८ मईमा गहिरो न्यून चापमा परिणत हुने र त्यसपछि ९ मईमा आफ्नो शक्ति बढाउँदै बङ्गोपसागरमाथि चक्रवातमा परिणत हुने तर यो चक्रवाती तूफान कहाँ पुग्छ भन्नेबारे उनले बताउन सकेनन्l’ सञ्जीव बन्दोपाध्यायले भने, ‘चक्रवातले अन्तत: कहाँ पुग्छ र कति बलियो हुन्छ, त्यसको अनुगमन मौसम विभागले गरिरहेको छ, यस सम्बन्धमा मौसमविद् बताउँछन्, विगतमा धेरै पटक यस किसिमको चक्रवाती तुफान बङ्गोपसागर तयार भइसकेको छ। ओडिशा र बङ्गलादेश तर्फ जानेछ। पछिल्लो ४ वर्षदेखि मई महिनामा बङ्गोपसागरमा ४ वटा ठूला आँधी आएको तथ्यांकले देखाएको छ। तीमध्ये अम्फान र यास पश्चिम बङ्गालमा आएर धेरै क्षति पुर्याएको थियो। अर्कोतर्फ, मौसम विभागले यो साताको शुक्रबारसम्म कोलकाता लगायत राज्यभर हावाहुरीसहित वर्षाको सम्भावना रहेको बताएको छ। मौसम विभागले राज्य सरकारसँग मिलेर काम गरिरहेको र मौसमको निरन्तर अनुगमन भइरहेको मौसमविद स्रोतले बताएको छ। समुद्रको सतहको उच्च तापक्रम जस्ता केही कारकहरूले यस्तो चक्रवाती आँधीको सिर्जनामा योगदान पुर्याउँछन्। त्यसका लागि राज्य सरकारले पनि जनधनको क्षति हुन नदिन तयारी थालेको छ। मङ्गलबार, राज्यका मुख्य सचिवले विपद् व्यवस्थापन विभाग, एनडीआरएफ, तटरक्षक र प्रकोपसँग बैठक गरेर तयारीको बारेमा जानकारी लिए।
About Author
