अलिपुरद्वार: अलिपुरद्वारको फालाकाटा ब्लकको ५ माईल क्षेत्रमा एक बिहानै अर्ना भैंसी आवासीय इलाकामा प्रवेश गर्दा स्थानीयवासी त्रसित भए। बिहान उठ्ने बित्तिकै अचानक गाउँमा विशाल अर्ना भैंसी घुमिरहेको देख्दा स्थानीयवासी आत्तिए। उक्त अर्ना भैंसीको आक्रमणबाट हालसम्म ५ जना गाउँले घाइते भईसकेका छन्। जलदापाडा वन विभागलाई खबर गरेपछि त्यहाँबाट वन कर्मचारीहरू घटनास्थल पुगेका थिए। वनकर्मीको धेरै प्रयासपछि अर्ना भैंसीलाई जंगलमा फर्काइयो।