सिलगढी: सिलगढी महानगरीय पुलिस अन्तर्गत भक्तिनगर थानाको ट्राफिक चौकीको मंगलबार उद्घाटन गरियो। उद्घाटन समारोहमा अखिलेस कुमार चतुर्वेदी (आईपीएस) पुलिस उपायुक्त, (ट्राफिक) अभिषेक गुप्ता (आईपीएस) लगायत अन्य पुलिस अधिकृतहरूको उपस्थिति थियो । ‘सेफ ड्राइभ सेभ लाइफ’ भन्ने नाराका साथ विद्यालयका विद्यार्थीहरुले सचेतना र्‍याली निकालेका थिए । सो अवसरमा ट्राफिक विभागले धेरैलाई हेल्मेट र टी–सर्ट प्रदान गरेको थियो भने विद्यालयका विद्यार्थीहरूलाई स्कुल झोला समेत वितरण गरिएको थियो ।