कोलकाता: हावड़ा पुलिस कमिश्नरेट अन्तर्गत बाली थाना पुलिसले जमीन विवादमा घरमा प्रवेश गरेर कुटपिट गर्ने र धम्की दिन तीन कुख्यात अपराधीलाई पक्राउ गरेको छ। मंगलवार बिहान हावड़ा पुलिस कमिश्नरेटले उक्त जानकारी दिएको हो।जानकारी अनुसार, २५ अप्रेलमा एक व्यक्तिले कुख्यात अपराधी रमेश महतो विरूद्ध बाली थानामा लिखित सिकायत दर्ता गराएका थिए। महतोमाथि घरमा आएर कुटपिट गरेको, फोन खोस्ने प्रयास गरेको र मार्ने धम्की दिएको आरोप छ। यसपछि पुलिसले लगातार उसको खोजी गरिरहेको थियो। पुलिसले रमेश महतो, राजेश महतो उर्फ मुन्ना र सुमन दासलाई पक्राउ गरेको छ। तीनै जना हावडाको निश्चिदा थाना क्षेत्र निवासी हुन्। पक्रा पर्ने व्यक्तिहरूका सहयोगीहरूको बारेमा जानकारी प्राप्त गर्न उनीहरूसँग सोधपुछ गरिँदैछ। उनीहरूले ग्रुप बनाएर मानिसहरूलाई धम्की दिने र जमीन हड़पने काम गर्थे।