सिलगढी: खालपाडामा सिलगढ़ी हिन्दी हाई स्कुल फर गर्ल्सको नवनिर्मित कक्षाहरू, विश्रामागार र शौचालयको आज मेयर गौतम देवले उद्घाटन गरे। उत्तरबंग हिन्दी भाषी समाज एवम् एउटा निजी संस्थाको पहलमा उक्त स्कुलको बुनियादी ढाँचालाई विकसित गर्ने उद्देश्य लिएर लगभग ४० करोड रुपियाँको लागतमा सिलगढ़ी हिन्दी हाई स्कुल फर गर्ल्सको विभिन्न कार्यहरू गरेक बताइएको छ।

आज मेयर गौतम देवले उक्त स्कुलको कक्षाहरू, शौचालय र विश्रामागारको उद्घाटन गरे। यस सम्बन्धमा उत्तरबंग हिन्दी भाषी समाजका अध्यक्ष सञ्जय तिब्रुअलले भने, यस पुरानो स्कुलको बुनियादी ढाँचा निक्कै जर्जर भइसकेकोले स्कुललाई नयाँ रूपमा सजाउने उद्देश्य लिएर यो योजना बनाइएको हो। चाँडै नै सबै कामहरू पुरा गरिनेछ।