खरसाङ: तीनधारे महानदी समष्टिको सभासद नवराज छेत्री र भारतीय गोर्खा प्रजातान्त्रिक मोर्चा तीनधारेको बुथ नम्बर २४६ को को-अर्डिनेटर युवराज प्रधानको पहलमा खरसाङ महकुमा अन्तर्गत तीनधारे चियाबारीको बन्दुके गाउँमा रहेको चारवटा घरहरूमा आज बिजुली बत्तीको जड़ान गरिएको छ। तीनधारे चियाबारीको बन्दुके गाउँमा रहेको यी चारवटा घरहरूमा विगत एक दशकदेखि बिजुली बत्ती थिएन। बिजुली बत्ती नभएकोले यी चारैवटा घरहरू अँध्यारोमा नै रहेका थिए। त्यसैले क्षेत्रीय सभासद नवराज छेत्रीक सहयोगमा युवराज प्रधानको पहलमा बन्दुके गाउँका चारवटा घरहरू क्रमैले सुक्रे तामाङ, सचेन तामाङ, सञ्जीव तामाङ र बब्लु तामाङ आदिको घरहरूमा आज बिजुली बत्तीको जडानको कार्य सम्पन्न गरिएको छ।
उक्त घरहरूमा केही समय अघि नै बिजुलीको पोलहरू लगाइएको थियो भने आज बिजुली बत्तीको मिटरहरू ल्याएर बत्ती जड़ानको कार्य सम्पन्न गरिएको छ। उक्त बत्ती जड़ानको कार्यमा क्षेत्रीय सभासद नवराज छेत्री र युवराज प्रधान पनि उपस्थित रहेका थिए। उक्त बिजुली बत्तीको जड़ान गरिएपछि चारैवटा घरहरूमा उज्यालो साथै खुशी छाएको छ। चारैवटा घरका मानिसहरूलो सभासद नवराज छेत्री र युवराज प्रधानप्रति आभार प्रकट गरेका छन्।