जलपाइगढी: जलपाइगढीमा अभिषेक ब्यानर्जीको धुँवादार जनसभा सुरु भएको छ। तृणमूल कांग्रेस महासचिव अभिषेक ब्यानर्जीको जनसम्पर्क भ्रमण नवजोआर कार्यक्रमको लागि जलपाइगढीमा मानिसहरूको घूइँचो लाग्यो। उनको पहिलो जनसभा जलपाइगढी सदर ब्लक २-स्थित युवासंघ क्लब मैदानमा भयो। अभिषेकको जनसभामा आउने मानिसहरूको लाम लाग्यो। आयोजना स्थलमा कडा सुरक्षा व्यवस्थाको प्रबन्ध गरिएको छ।कार्यक्रमको पाँचौं दिन अभिषेक ब्यानर्जीले जलपाइगढी जिल्ला सदर ब्लकको पहाडपुर, पांडापाडा, दोमोहनी, भोटपट्टी र राजगञ्ज क्षेत्रमा सभाहरू सहित विभिन्न कार्यक्रममा भाग लिनेछन्। सहरमा प्रवेश गर्ने बित्तिकै उनको आदिवासी नृत्यले स्वागत गरिएको थियो । सडकको दुवै छेउमा उनका समर्थकहरूको लाम लाग्यो । अभिषेक ब्यानर्जीको आगमनलाई लिएर जिल्लाका युवाहरू निकै उत्साहित देखिन्छन् ।