नयाँ दिल्ली: हाल सुडानमा ३ हजारभन्दा बढी भारतीय फसेका छन्। द्वन्द्वग्रस्त सुडानमा फसेका आफ्ना नागरिकलाई बाहिर निकाल्न भारतले सोमबार ‘अपरेशन कावेरी’ शुरु गरेको छ। अपरेशन कावेरीअन्तर्गत पाँच सय भारतीय सुडान बन्दरगाहमा पुगेका छन् र बाँकीलाई जतिसक्दो चाँडो भारतमा सुरक्षित स्थानमा ल्याउने तयारी भइरहेको छ। विदेश मन्त्रालयले सुडानमा फसेका भारतीयहरूको पहिलो समूह पठाइएको जानकारी दिएको छ, जसमा २७८ जना रहेका छन्। विदेश मन्त्रालयका प्रवक्ता अरिन्दम बागचीले ट्वीट गरे, ‘अपरेशन कावेरीअन्तर्गत सुडानबाट फसेका भारतीयहरूको पहिलो समूह सुडानबाट प्रस्थान गर्‍यो। आईएनएस सुमेधाले २७८ जना जहाजमा पोर्ट सुडान छोड्योl’

सुडानबाट निकालिएका भारतीयहरूको समूहमा केटाकेटीहरू छन्, जहाँ सेना र अर्धसैनिक समूहबीच भीषण लडाइँ भइरहेको छ। भारतले अपरेशन कावेरीअन्तर्गत दुईवटा यातायात विमान आईएनएस जेद्दा र आईएनएस सुमेधा पोर्ट सुडानमा तैनाथ गरेको थियो। साथै, गत साता शुक्रबारको बैठकमा प्रधानमन्त्री नरेन्द्र मोदीले अधिकारीहरूलाई सुडानबाट भारतीयहरूलाई फर्काउनको लागि आकस्मिक योजना तयार गर्न भनेका थिए, जसका आधारमा यी सबै तयारी गरिएको थियो।