गान्तोकः गान्तोक जिल्ला प्रशासनले राजधानीको एमजी मार्गमा आत्मनिर्भर सिक्किम पहल अन्तर्गत फुड स्टल कम्पिटिशन आयोजना गरेको छ। दुई दिनसम्म चल्ने यस कार्यक्रमको उद्घाटन शुक्रवार शिक्षा विभागका अतिरिक्त मुख्य सचिव आर. तेलाङले गरे।

उद्घाटनको अवसरमा जिल्ला प्रशासन र विभिन्न विभागका वरिष्ठ अधिकारीहरू उपस्थित थिए। तेलाङले स्टलहरूको भ्रमण पनि गरे। उनले विद्यार्थीहरूको उत्साहपूर्वक सहभागिताको सराहना गरे। विद्यार्थीहरूलाई सहयोग गरेकोमा उनले शिक्षकहरूको पनि सराहना गरे। यस अवसरमा वेस्ट पोइन्ट उच्चतर माध्यमिक विद्यालयका विद्यार्थीहरूले नुक्कड नाटक प्रस्तुत गरेका थिए। यसैगरी, अन्य विभिन्न विद्यालयका विद्यार्थीहरूले रंगारंग सांस्कृतिक कार्यक्रम प्रस्तुत गरे। यस प्रतियोगितामा विभिन्न शैक्षिक संस्थानहरूले भाग लिएका छन्।