ऋषिकेशः उत्तराखण्डमा शुक्रवारदेखि चारधाम यात्रा- २०२३ आरम्भ भएको छ। मुख्यमन्त्री पुष्कर सिंह धामीले ऋषिकेश आईएसबीटीबाट ”जय बद्री, जय केदार, चारै धामहरूमा भइरहेको छ”- को उद्घोषबीच बसहरूको ताँतीलाई हरियो झण्डा देखाएर प्रस्थान गराउँदै चारधाम यात्राको शुभारम्भ गरे। यस अवधि राज्यका वन मन्त्री सुबोध उनियाल, परिवहन मन्त्री चन्दन रामदास, शहरी विकास मन्त्री प्रेमचन्द अग्रवाल, नगर निगम महापौर अनिता ममगाँई, हंस फाउण्डेशनका संस्थापक भोले महाराज उपस्थित थिए।

यस अवसरमा संयुक्त रोटेशन यात्रा व्यवस्था समितिद्वारा आयोजित कार्यक्रममा मुख्यमन्त्री धामीले भने, कोरोना कालपछि दोस्रो पटक भइरहेको यो यात्राले पछिल्ला सबै रेकर्डहरूलाई पछि पार्नेछ। अहिलेसम्ममा १६ लाखभन्दा अधिक यात्रीहरूले पञ्जीकरण गराइसकेका छन्। यात्रीहरूलाई सुविधा उपलब्ध गराउनको लागि सबै तयारीहरू भइसकेका छन्। सरकारले यस्तो व्यवस्था गरेको छ कि कुनै पनि यात्री दर्शन नगरी फर्किनेछैन। उनले प्रधानमन्त्री मोदीद्वारा केदारनाथमा गरिएको जीर्णोद्धारका कार्यहरूको प्रशंसा गर्दै बद्रीनाथमा भइरहेका विकास कार्यहरू अतिरिक्त हेमकुण्डमा जाने यात्रीहरूको सुविधाको लागि निर्माणाधिन रोपवेको निर्माण कार्य चाँड़ै पूरा गरिने प्रतिबद्धता व्यक्त गरे। गंगोत्री-यमुनोत्रीको विकासको लागि पनि सरकार कटिबद्ध रहेको तिनले बताए।

मुख्यमन्त्रीले यात्रीहरूलाई आश्वासन दिँदै भने, यात्राको क्रममा आइलागेका हरेक समस्याको समाधान गरिनेछ। यसपालि चारै धाममा यात्रीहरूको स्वागतमा हेलिकप्टरबाट फूलहरूको वर्षा गराइनेछ। यसपालि यात्रा पूर्णरूपले सफल हुनेछ जसको सन्देश देश मात्र नभएर विदेशमा पनि जानेछ।