सिलगढी:एकपटक फेरि सिलगढी महकुमा अन्तर्गत बाघडोग्राको सन्यासी चियाबगान र केष्टोपुर क्षेत्रमा हात्तीले धेरै घरमा क्षति पुर्याएको छ। बिहीबार बिहानै एउटा हात्ती यस क्षेत्रमा प्रवेश गर्‍यो, त्यसपछि यसले धेरै घरहरूमा तोडफोड गर्यो साथै खाद्यान्न र फर्निचरहरूमा क्षति पुऱ्यायो। यो घटनापछि यस क्षेत्रका बासिन्दाहरू त्रासमा छन्। उल्लेखनीय छ, हिजो बुधबार बिहान मात्रै सन्यासी चियाबगान क्षेत्रमा हात्तीको आक्रमणबाट एक वन कर्मचारीको घर क्षतिग्रस्त भएको थियो। घटनामा दुई बालबालिकासहित सम्पूर्ण परिवारले घरबाट भागेर ज्यान जोगाएका थिए। यस इलाकामा घरिघरि भइरहेको हात्तीको उपद्रवका कारण मानिसहरू निकै त्रसित छन्।