पाकिमः सहकारिता विभाग, पाकिमले आजादीको अमृत महोत्सवको तत्वावधानमा बॉंस हस्तशिल्प आयोजना गरेको छ। यो १५ दिवसीय प्रशिक्षण तारेथाङ वन धन विकास केन्द्रमा सम्पन्न गरिने छ।

मास्टर ट्रेनरद्वय फुर्बा तामाङ र नर्बु लेप्चाले केन्द्रका ३५ जना प्रशिक्षुलाई प्रशिक्षण प्रदान गर्नेछन्। यस अवसरमा वन धन विकास केन्द्रको प्रबन्धन समिति र विभागीय अधिकारीहरू पनि उपस्थित थिए। प्रधानमन्त्री वन धन योजना भारत सरकारको जनजाति मन्त्रालयको परियोजना हो। यस परियोजनाको उद्देश्य जनजाति समुदायको क्षमता विकासका साथै आय आर्जन वृद्धि गर्नु रहेको छ।