१३ जूनः युनाइटेड सीडर्स फूटबल क्लबको तत्त्वावधानमा आयोजित इण्डिपेण्डेन्स डे ओपन नक् आउट फूटबलअन्तर्गत आइतवार पहिलो राउण्डको एउटा म्याच खेलियो। अप्पर सीडर्स खेल मैदानमा भएको म्याचमा नाना स्पोर्टिंग क्लबले रिंगटोंग एफसीलाई ५-२-ले पराजित गऱ्यो। विजेता टीमबाट अमन तामाङले २ गोल गरे। यसबाहेक जिग्मी, नाइडु र छोटुले १-१ गोल गरे। यसरी नै रिंगटोंग एफसीबाट अनिकेत तामाङ र मनीष राईले १-१ गोल गरे। टुर्नामेण्टको फाइनल १५ अगस्तमा हुनेछ।