९ अप्रेलः पारम्परिक ब्याटिंग तक्निकले गर्दा सीमित ओभरहरूका प्रारूपमा अनफिट मानिने अजिंक्य रहाणेले कहिले हार मानेनन् अनि शनिवार राति वानखेड़े स्टेडियममा आईपीएल २०२३-को सबैभन्दा तेज अर्द्धशतक बनाएर क्रिकेट जगतलाई चकित पारे। आईपीएलमा विध्वंशी ब्याटिंग गरे पनि रहाणेको मनमा आफ्नो होम ग्राउण्डमा टेस्ट म्याच खेल्ने इच्छा रहेको छ। चेन्नई सुपर किंग्सको जर्सी लगाएर पदार्पण गर्ने रहाणेले मुम्बई इण्डियन्सको बलिंग आक्रमणलाई माटोमा मिलाएर केवल २७ बलमा ७ वटा चौका र ३ वटा छक्काको साथ ६१ रन बनाए। यस अवधि उनले आफ्नो अर्द्धशतक केवल १९ बलमा पूरा गरे। यो आईपीएलको जारी सीजनमा सबैभन्दा तेज अर्द्धशतक हो।
म्याच जितेपछि रहाणेले भने, मैले सदा वानखेड़ेमा खेल्ने मजा लिएको छु। मैले यहाँ टेस्ट म्याच चाहिँ अहिलेसम्म खेलेको छुइनँ। म यहाँ एउटा टेस्ट म्याच आवश्यै खेल्न चाहन्छु। वास्तवमा रहाणे शुरुवाती एकादशमा खेल्ने थिएनन् तर मोईन अलीलाई चोट लाग्दा उनले मौका पाए। रहाणेले भने, अहिले पनि लामो यात्रा तय गर्नु छ। आज म शुरुवाती एकादशमा आफ्नो स्थानलाई लिएर सुनिश्चित थिइनँ। मलाई त टसको साथ थाहा लाग्यो। अहिले म एक समयमा केवल एउटा म्याचमा ध्यान दिन चाहन्छु। म हार मान्ने छुइनँ। उल्लेखनीय छ, जनवरी २०२२-मा दक्षिण अफ्रिका यात्रापछि रहाणेलाई टेस्ट टीमबाट बाहिर गरिएको थियो। चेतेश्वर पुजारा पछिबाट भारतीय टीममा फर्किन सफल भए पनि रहाणेले यस्तो गर्न सकेनन्।