नयाँ दिल्ली: राष्ट्रपति भवनको दरबार हलमा बुधबार (५ अप्रेल) आयोजित दोस्रो अलंकरण समारोहमा राष्ट्रपति द्रौपदी मुर्मुले सन् २०२३ का लागि तीन पद्मविभूषण, पाँच पद्मभूषण र ४७ पद्मश्री पुरस्कार प्रदान गरिन्। पहिलो अलंकरण समारोह २ मार्चमा आयोजना गरिएको थियो। अलंकरण समारोहमा उपराष्ट्रपति जगदीप धनखड, प्रधानमन्त्री नरेन्द्र मोदी, लोकसभा अध्यक्ष ओम बिरला, केन्द्रीय गृह तथा सहकारिता मन्त्री अमित शाह, अन्य केन्द्रीय मन्त्रीहरू र धेरै प्रतिष्ठित व्यक्तिहरू पनि उपस्थित थिए।

अलंकरण समारोह पछि, केन्द्रीय गृह तथा सहकारिता मन्त्री अमित शाहले नयाँ दिल्लीको सुष्मा स्वराज भवनमा पद्म पुरस्कार विजेताहरूका लागि रात्रिभोजको आयोजना गरे। यसमा गृहमन्त्री अमित शाह र अन्य केन्द्रीय मन्त्रीहरूले पद्म पुरस्कार विजेताहरूसँग कुराकानी गरे। पद्म पुरस्कार विजेताहरूले आज (अप्रिल ०६) बिहान राष्ट्रिय युद्ध स्मारकमा श्रद्धाञ्जली अर्पण गर्नेछन्। त्यसपछि उनले अमृत उद्यान, राष्ट्रपति भवन र प्रधानमन्त्री संग्रहालयको पनि भ्रमण गर्नेछन्। –पीआईबी