फ्लोरिडा: अमेरिकी अन्तरिक्ष एजेन्सी नासाले सोमबार आफ्नो चन्द्रमा मिसन घोषणा गरेको छ। ५० वर्षपछि नासाले चार अन्तरिक्ष यात्रीलाई चन्द्रमामा पठाउने भएको छ। चन्द्रमामा जाने चार अन्तरिक्ष यात्रीमध्ये क्रिस्टिना कोच मिसनमा खटिने पहिलो महिला अन्तरिक्ष यात्री बन्ने छिन्। जबकि भिक्टर ग्लोभर पहिलो कालो अन्तरिक्ष यात्री हुनेछन्। नासाको यो मिसन सन् २०२४ को अन्त्यमा वा २०२५ को शुरुमा प्रक्षेपण हुनेछ। उनीहरू अन्तरिक्ष यात्री रीड विजम्यान र जेरेमी ह्यान्सनसँग प्रस्थान गर्नेछन्।

सबैभन्दा चाखलाग्दो यस्तो छ, यी अन्तरिक्ष यात्रीहरू चन्द्रमामा अवतरण गर्दैनन्, तर यो मिसनले आउने अन्तरिक्ष यात्रीहरूलाई अवतरण गर्न सजिलो बनाउनेछ। नासाले टेक्सासको ह्युस्टनमा आयोजित एक समारोहमा चार अन्तरिक्ष यात्रीको अनावरण गरेको हो। यी अन्तरिक्ष यात्रीहरूमध्ये तीन अमेरिकी नागरिक र एक क्यानडाका हुन्। यी अन्तरिक्ष यात्रीहरूले अब मिशनको लागि आफूलाई तयार पार्न कठोर प्रशिक्षण शुरु गर्नेछन्। नासाले एक महिला र कालो अन्तरिक्ष यात्री चयन गरेपछि आफ्नो अन्वेषण प्रयासहरूलाई थप विविधता दिने आफ्नो वाचा पूरा गर्दैछ। अहिलेसम्म नासा र अन्य एजेन्सीबाट गएका सबै अन्तरिक्ष यात्री गोरा थिए। चन्द्रमामा हिँड्ने पहिलो महिला अन्तरिक्ष यात्री ४४ वर्षीया क्रिस्टिना कोच विद्युतीय इन्जिनियर हुन्। उनले ३२८ दिनसम्म अन्तरिक्षमा बसेकी छिन् र अन्तरिक्षमा सबैभन्दा लामो समयसम्म महिला बस्ने कीर्तिमान राखेका छन्। उनले अक्टोबर २०१९ मा पहिलो महिला स्पेसवाकमा नासाको अर्को अन्तरिक्ष यात्री जेसिका मीरसँग भाग लिइन्। ४७ वर्षीय जेरेमी ह्यान्सन क्यानडाका बासिन्दा हुन्। क्यानेडियन स्पेस एजेन्सीमा सामेल हुनु अघि, उनी रोयल क्यानेडियन एयर फोर्समा लडाकु पाइलट थिए। यो उनको पहिलो अन्तरिक्ष मिशन हुनेछ।

नासाको यो मिसनमा संलग्न ४७ वर्षीय रिड वाइसम्यान अमेरिकी नौसेनामा पाइलट हुन्। उनले केही समय नासाको अन्तरिक्ष यात्री कार्यालयको प्रमुखको रूपमा पनि काम गरे। सन् २०१५ मा उनी अन्तर्राष्ट्रिय अन्तरिक्ष स्टेशनको मिसनमा गएका थिए। ४६ वर्षीय भिक्टर ग्लोस्बर पनि अमेरिकी नौसेनामा प्रशिक्षार्थी पाइलटका रूपमा छन्। सन् २०१३ मा उनी २०१३ मा नासामा भर्ना भए र २०२० मा आफ्नो पहिलो अन्तरिक्ष उडान गरे। अन्तरिक्ष स्टेशनमा ६ महिना बस्ने उनी पहिलो अफ्रिकी अमेरिकी थिए।