वाशिङ्गटनः भारतीय मूलका रिचर्ड वर्मालाई अमेरिकी विदेश विभागको मुख्य अधिशासी अधिकारी (सीईओ) जस्तो महत्वपूर्ण जिम्मेवारी सुम्पिएको छ। ५४ वर्षीय रिचर्ड भारतमा अमेरिकाका राजदूत पनि रहिसकेका छन्। अमेरिकी सीनेटले वर्मालाई विदेश मन्त्रालयमा ठूलो दायित्व सुम्पेको छ। रिचर्डलाई अमेरिकी सीनेटले विदेश विभागमा प्रबन्धन र संसाधन मामिलाको उपसचिव बनाएको छ। अमेरिकी सरकारको यस शक्तिशाली दायित्वलाई विदेश विभागका सीईओ पनि भनिन्छ।

अमेरिकी सीनेटमा रिचर्डको चयनमा भएको मतदानमा ६७ सदस्यले उनको पक्षमा र २६ ले विरोधमा मतदान गरे। अन्ततः ६७-२६ मतपछि रिचर्डको नियुक्तिको मार्ग प्रशस्त भयो। रिचर्डले १६ जनवरी, २०१५ देखि २० जनवरी, २०१७ सम्म भारतमा अमेरिकाका राजदूतको रूपमा काम गरिसकेका छन्। उनी वर्तमानमा मास्टरकार्डमा मुख्य कानूनी अधिकारी र वैश्विक सार्वजनिक नीतिका प्रमुख हुन्। पूर्व राष्ट्रपति बराक ओबामाको कार्यकालमा वर्माले विधायी मामिलाको राज्यका सहायक सचिवको रूपमा कार्य गरेका थिए।