अलिपुरद्वार: मुख्यमन्त्री ममता ब्यानर्जीले मंगलबार अलिपुरद्वार जिल्लामा १३३ सडकहरूको निर्माण कार्यको उद्घाटन गरे। कालचिनी ब्लकको मलङ्गी ग्राम पञ्चायतमा पथश्री आयोजनाअन्तर्गत दुईवटा सडक निर्माण कार्यको मंगलबार उद्घाटन गरिएको हो। उद्घाटन समारोहमा मलङ्गी ग्राम पञ्चायत प्रमुख रुबी रजक, पञ्चायत समिति अध्यक्ष जोसेफ कुजुर, तृणमूल युवा जिला अध्यक्ष राजकमल भगत, तृणमूल ब्लक अध्यक्ष वीरेन्द्र उराउँ उपस्थित थीए। ग्राम पञ्चायत भित्र दुईवटा सडकको काम सुरु भएको छ। नयाँ सडक निर्माणको काम सुरु भएपछि स्थानीयवासी खुसी भएका छन्। यस अवसरमा अलिपुरद्वारको ब्लक नम्बर १ को विवेकानन्द १ ग्राम पञ्चायत क्षेत्र अलिपुरद्वारको जिल्ला प्रशासनले एक कार्यक्रम आयोजना गरेको थियो। जिल्ला अधिकारी सुरेन्द्रकुमार मीना, प्रहरी उपरीक्षक, जिल्ला परिषद अध्यक्ष लगायतको उपस्थिति रहेको थियो।